894
១. ត្រី
សាច់ត្រី ភាគច្រើនគឺល្អសម្រាប់សុខភាពភ្នែក ជាពិសេសគឺ ត្រីសាល់ម៉ុន។ សាច់ត្រីមានជាតិ អូមេហ្គា ៣ ដែលជួយឱ្យភ្នែកភ្លឺ និង ជួយផ្តល់សំណើមដល់ស្រទាប់ភ្នែកផងដែរ។
២. ស៊ុត
ស៊ុតក៏ជាអាហារមួយប្រភេទដែលជំនួយដល់ភ្នែកផងដែរ ជាពិសេសវាមានផ្ទុកនូវ វីតាមីនA ដែលជួយពន្យានូវការចុះទន់ខ្សោយនៃភ្នែក ដូចជាមានសភាពព្រិល ជាដើម។
៣. គ្រាប់ធញ្ញជាតិ អាល់ម៉ុន
គ្រាប់អាល់ម៉ុន មិនត្រឹមតែជា អាហារសម្រន់ដែលមានរសជាតិឆ្ងាញ់នោះទេ គឺវាថែមទាំងសម្បូរទៅដោយ វីតាមីន E ដែលពង្រឹងនូវស្រទាប់ការពារនៃភ្នែកទៀតផង។ គ្រប់ធញ្ញជាតិផ្សេងទៀតដែលសម្បូរ វីតាមីន E មានដូចជា សណ្តែកដី និង គ្រាប់ផ្កាឈូករ័ត្ន ជាដើម។
៤. ទឹកដោះគោ និង យ៉ាអួរ
ក្រៅពីស៊ុត វីតាមីន A ក៏មានស្ថិតនៅក្នុងទឹកដោះគោ ទឹកដោះគោជូរ និង យ៉ាអួរ ផងដែរ ដែលវីតាមីន A នេះផងដែរមានផ្ទុកជាតិ ស័ង្កសីដែលជួយពាំនាំ ជីវជាតិពីថ្លើមមកកាន់ភ្នែក ហើយវាក៏ជួយដល់ការមើលពេលយប់ផងដែរ។
៥. ការ៉ុត
អ្នកច្បាស់ជាធ្លាប់បានដឹងហើយថា ការ៉ុត មានអត្ថប្រយោជន៍ណាស់សម្រាប់ភ្នែក ។ ការ៉ុតមានផ្ទុក វីតាមីន A និង បេតា Carotene ដែលជួយការពារស្រទាប់ភ្នែក និង ការពារការឆ្លងមេរោគនៃភ្នែក ។
៦. ខាត់ណា
ខាត់ណាគឺជា បន្លែដែលមានសារៈសំខាន់ណាស់សម្រាប់សុខភាពភ្នែក ព្រោះវាមានផ្ទុក វីតាមីន សារធាតុចិញ្ចឹម និង ជាតិរ៉ែច្រើនប្រភេទ ដែលជាតិទំាំងអស់នេះជួយទប់ស្កាត់នូវបញ្ហាភ្នែកទំាងធ្ងន់ និង ស្រាល។
៧. ផ្លែក្រូច
ផ្លែក្រូច មានសម្បូរទៅដោយវីតាមីន Cដែលផ្តោតសំខាន់ទៅលើសុខភាពភ្នែក។ វាមានតួនាទីជួយដល់សុខភាពនៃសរសៃភ្នែក និងធ្វើឱ្យភ្នែកមានសភាពភ្លឺ និងច្បាស់ល្អ៕
អត្ថបទគួរអាន៖
បញ្ជាទិញរបស់អ្នករួចរាល់ហើយ!
